Hauptmenü
Gita´ (T: Paulo Coelho / M: Raul Seixas)
Es kummt scho vua', und daunn frogt's mi
Warum I nix mid eich red?
Bei eich'ra Liebe a'foch ned austraf'
Und lustig sei bei eich is a Quo'i
Ihr denkt's imma aun mi, jo, jo:
Ihr fresst's mi, spuckt's mi aus, seu'ds eich o'
Und vielleicht, i's a gaunz umasunst
Owa heite, wear' I's eich so'ng
I bin da Schimma vom Mondliacht
I bin da Glaunz von de Stean
Vom Leb'n bin I die G'schicht
I bin de Aungst, wos eich drischt
I bin dem Schwoch'n sei Zitt'an
Die Vuastöllungskroft
Vom Zocka', bin I da Blöff
I bin, I woa, I werd
Du a, du a, du a, du a, du a
Jo und I bin eicha grausaumstes Opf'a
Die g'sicha'tste Grenz'
Bin des Bluad im Aug' vom Vampir
Und da "Rode" im G'nack von dir
I bin die Keaz'n die's d'auzind'st
I bin die Flaumman die's'd löschst
Vom Obgrund bin I die Kant'n
I bin's: Des Ollas, des Nix
Jessas na, warum frogt's mi?
Fro'ng wean's eich ned so'ng
Dass I aus da Ead'n g'mocht bin
Aus Feia', Wossa und Luft.
Ihr hobt's mi jed'n Tog
Und wisst's ned: Is' guad oda schlecht?
Wisst's ned, dass I in eich drin bin
Owa ihr ned in mir?
Von den Dächern bin I des Doch
Dem Fisch'a sei Faung
Des Erste Wua't is mei Nauman
Und im Traum bin I die Liebe
I bin die hantige Hausfrau
bei den Sondaaungebot'n da Wöd
Bin in Henka' sei Haund
I bin seicht, braad und tiaf
Du a, du a, du a, du a, du a
I bin die Flia'ng in da Supp'm
Dem Haifisch sei Zauh'n
Die Au'gn von an Blind'n
Und da blinde Fleck im Aug'
I bin da bittare G'schmock
Die Muada, da Voda da Gschropp
Bin des Kind'al des kummt
I bin die Sehnsucht, die Erfüllung, da Grund
Des Ob'n, des Dazwisch'n, des Unt'
Da Aunfaung, die Mitt'n und da Schluss
Da Aunfaung, die Mitt'n und da Schluss